Nepali Kabita

रहस्यमय कविताको

अपूर्ण भाव 

 कथाको भित्रको

अधुरो कहानी 

सिंगै जिन्दगी

पढ्न बाँकी अध्यायहरु

जम्मै पृष्ठभूमि 

अल्मलिएर कहाँ 

गहिरिन सक्छु र 

पोखिएर छताछुल्ल 

अस्तित्व मेंटिदा

पोखिनु भनेको 

रित्तिनु होईन 

फैलिनु पनि हो 

आफैलाई सान्तवना 

आहा! 

कस्तो गज्जब।..

Download Image

---

स्त्री

ब्रह्माण्डको मौन शक्ति

जो सृजनाको मुकुट।

सहनशिल,

फूलझैँ कोमल रपनि 

तूफान बनेर उठ्न पनि जान्दछिन्।

हर चोट आँशु मात्र होइन

साहसमा बदल्छिन्।

जति तोड्न खोज्छौ

थप शक्तिशाली

कठोर,अडिग र

आफैमा पूर्ण बन्छिन्।

उनी केवल शरीरमात्रै होइन

आत्मा हुन्

अपूर्णलाई पूर्ण बनाउने शक्ति….

अन्य कबिताको लागि: नेपाली कविता|Nepali Kabita Haru

---

दुःखले मन थिच्दा

र खुसीले छाती भरिदिँदा,

साँससँगै सम्झिने

 एउटै अनुहार तिमी,

राती निद्रा हराउँदा

र बिहान घामसँगै मुस्कान 

फर्काउँदा,

मनको कुनामा बोलाउने 

एउटै नाम तिमी,

मौसम झैँ बदलिने दुनियाँमा

स्थिर भएर मभित्र बाँच्ने

एउटै मान्छे तिमी ……..

---

प्रिय तिमी…; 

तिमी आएकी छौ

जसरी वसन्त आउँछ

अघोषित तर यथार्थ

तिमी बसेकी छौ

जसरी सपनामा पग्लिन्छन

जीवनका उज्याला पातहरू

तिमी त्यो होईन

जो आउँछन

केही सम्झनाहरूमा डेरा हालेर जान्छन

तिमी त हौ

सम्झनाको मूलघर

जसलाई म कहिल्यै खाली राख्न सक्दिन

त्यसैले नसोच तिमी क्षणिक छौ भनेर..

---

उड्नु र फर्किनु 

उनको स्वतन्त्रता हो,  

र  

प्रतीक्षा  मेरो

हृदयको गहन चाहना हो, 

प्रेम त–  

हृदयको स्वतन्त्र नृत्य हो,  

जहाँ  

प्रेमिल भावनाहरू  

स्वतन्त्रतामा नाँचिरहन्छन्, 

तर हेर न 

न त बाध्यता, न त आग्रह,  

वसन्तको सुगन्ध लिएर

फर्किन्छन उनी प्रेमको अनुराग बोकेर ।

झूटले सत्यलाई सोध्यो-

तिमी किन चुप छौ??

सत्यले दुःखी हुँदै भन्यो-

तिम्रो प्रभाव जताततै छ,

मेरो कुरा कसले सुन्छ…

---

तिम्रो हात,

हृदय र आत्मालाई

बलियोसँग समात्न,

सबैभन्दा राम्रा क्षण राख्न

र सबै कुराहरू साझा गर्न

यो मुटु तिमीलाई दिएकोछु।

तर एकछिनको लागी नभएर

सधै, सधैभरी साथ पाउन,

अनी जिबनका सुख-दुखमा

र हासो-खुशीमा

हातमा हात होस भनेर

यो मुटु तिमीलाई दिएको छु।

तिमीले कहिल्यै बिश्वासघात नगर्नु।..

Also Read:

1. नेपाली कविता|Nepali Kabita Haru
2. Nepali Shayari Haru |परदेशी जीवन